Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 104 Hüküm no: 69 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Süleyman’ın tarlalarını Hüseyin b. Hasan’a satması Tarla ferâğı, 200 guruş Vilâyet-i Anadolu’da Kastamonu sancağında Sart kazâsına tâbi‘ Celebler karyesi ahâlisinden olup mahrûse-i Galata’ya muzâfe kasaba-i Tophâne’de sâkin Topçu Süleyman b. Hüseyin meclis-i şer‘-i şerîf-i enverde işbu bâ‘isü’l-vesîka Hüseyin b. Hasan mahzarında ikrâr tam ve takrîr-i kelâm edip karye-i mezbûrede vâki‘ herbiri lede’l-ahâli ve’l-cîrân ma‘lûmü’l-hudûd ve’l-kıt‘a tarlalar bâ-tapu taht-ı tasarrufunda olmağla ben zikr olunan tarlaları merkūm Hüseyin’e iki yüz guruş bedel mukābelesinde bâ-ma‘rifet-i sâhib-i arz ferâğ ve tefvîz ve herbirini mahâllinde zabt ve tasarrufa tarafımdan merkūmu taslît eylediğimde ol dahi ber-vech-i muharrer tefevvüz ve kabûl eyledikden sonra bedel-i mezbûr iki yüz guruşu merkūm Hüseyin bana def‘ ü teslîm ben dahi yedinden tamamen ahz ü kabz edip fîmâ-ba‘d zikr olunan tarlalar mezbûr Hüseyin’in dâhil-i havza-i tasarrufu olup benim kat‘a alâka ve medhalim kalmamışdır dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî-gurre-i Ra sene [1]242 Şühûdü’l-hâl: Süleyman b. Mustafa, İsmail b. Halil, Ömer b. İbrahim, Musa b. Abdullah, Ali Çelebi el-muhzır, Mehmed Çelebi el-muhzır