Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 106 Hüküm no: 72 Orijinal metin no: [24a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Belihas v. Bako Yahudi’nin menzili Hananya’ya satması 220 guruş mübâya‘a Ahıska’da oda. Ahıska kazâsında Dere mahallesi re‘âyâsından olup mahmiye-i İstanbul’da Çorbacı Hanı’nda sâkin Belihas v. Bako Yahûdî meclis-i şer‘-i hatîr-i lâzımü’t-tevkīrde işbu hâmilü’r-rakīm Hananya v. Sabatay Yahûdî muvâcehesinde mahalle-i mezbûrede vâki‘ bir tarafdan Babo Yahûdî menzili ve bir tarafdan Topaloğlu Aron menzili ve bir tarafdan arsa-i hâliye ve bir tarafdan tarîk-i âm ile mahdûd üç bâb oda ve zikri âtî iç havlu derûnunda bir oda ve iç havlu ve dış havlu ve bir sokak kapısı ve bir orta kapıyı müştemil menzil müstakıllen malım olmağla ben menzil-i mezkûrda zikri mürûr edip iç havluda mevcûde bir odayı tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mersûm Hananya Yahûdîye iki yüz yirmi guruşa bey‘ ü temlik ve mahâllinde zabta tarafımdan merkūmu taslît eylediğimde ol dahi ber-vech-i muharrer iştirâ ve temellük ve kabûl eyledikden sonra semeni olan meblağ-ı mezbûr iki yüz yirmi guruşu müşteri-yi mersûm bana def‘ ü teslîm ben dahi yedinden tamamen ahz ü kabz eyledim, fîmâ-ba‘d oda-i mezkûr mersûm Hananya Yahûdî’nin mülk-i müşterâsı ve hakk-ı sırfı olup benim kat‘a alâka ve medhalim kalmamışdır, dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 2 Ra sene [1]242. Şühûdü’l-hâl: Emin Çelebi el-Muhzır, Muhzır Mehmed Çelebi Sakamoğlu Şamoyel, Hamamoğlu İsak, Davit, Konduranoğlu? İsak, Samuel oğlu Şamoyel.