Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 114 Hüküm no: 83 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamile olan Hatice’nin çocuğunu doğuruncaya kadar boşandığı eşi İbrahim üzerine nafaka tayin olunması Haml nafakası, 15 guruş Mahmiye-i İstanbul’da Bahçekapısı kurbünde Aşir Efendi Türbesi ittisâlinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan işbu bâ‘isetü’l-vesîka Hadice bt. Abdullah nâm hatun meclis-i şer‘-i şerîf-i enverde zevc-i sâbıkı İbrahim b. Mehmed mahzarında ikrâr ve takrîr-i kelâm edip merkūm İbrahim ile zevciyet beynimizde kāime iken mezbûrun firâşından hâsıl hâlâ hamlim olmağla vaz‘-ı haml ile iddetim münkaziye oluncaya değin kendi nafakam için zevcim merkūm üzerine kıbel-i şer‘den kadr-ı ma‘rûf meblağ farz ve takdîr olunmak matlûbumdur dedikde gıbbe’t-tasdîki’ş-şer‘î hâkim-i muvakkı‘-ı sadr-ı kitâp tûbâ-lehû ve hüsnü-meâb efendi hazretleri dahi mezbûre Hadice Hatun’un vaz‘-ı haml ile iddeti münkaziye oluncaya değin kendi nafakası için zevci merkūm üzerine târih-i vesîkadan beher mâh on beşer guruş farz ve takdîr buyurup meblağ-ı mefrûz-ı mezkûru kendi nafaka ve sâir levâzım-ı zarûriyesine harc ü sarfa ve lede’l-iktizâ istidâneye ve inde’z-zafer zevc-i merkūm üzerine rücû‘a mezbûre Hadice Hatun’a izin vermeğin mâ-vaka‘a [bi’t-taleb ketb olundu.] Fî 5 Ra sene [1]242 Şühûdü’l-hâl: Muhzır İbrahim, Muhzır Abdulfettah Çelebi