Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 124 Hüküm no: 98 Orijinal metin no: [26b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu İbrahim’in vekili vasıtasıyla Bayramviran köyündeki ev hissesini babasına satması Nısf menzil mübâya‘ası, 250 guruş Fi’l-asl vilâyet-i Anadolu’da Kengiri sancağında Melen kazâsına tâbi‘ Bayramviran karyesi ahâlisinden olup Rumeli’nde İbrail kazâsında mutavattın Mumcu İbrahim b. Ahmed b. Süleyman tarafından husûs-ı âti’l-beyânda vekîl olduğu Tatar Hüseyin Ağa b. İbrahim ve Halil Ağa b. Hüseyin şehâdetleriyle sâbit olan el-Hâc Ahmed Ağa b. Ali meclis-i şer‘-i şerîf-i enverde merkūm Mumcu İbrahim’in babası işbu bâ‘isü’l-vesîka merkūm Ahmed b. Süleyman mahzarında bi’l-vekâle ikrâr-ı tam ve takrîr-i kelâm edip zikr olunan Bayramviran karyesinde vâki‘ etrâf-ı erba‘ası tarîk-i âm ile mahdûd iki oda ve bir sofa ve bir kenîf ve bir anbar ve bir ahır ve bir samanhâneyi müştemil bir bâb mülk menzilin nısfı müvekkilim merkūm İbrahim’in ve nısf-ı âharı babası merkūm Ahmed’in yedlerinde iştirâken ve şâyi‘an mülk ve hakları olup ben menzil-i mahdûd-ı mezkûrda müvekkilim merkūmun nısf hisse-i şâyi‘asını tarafeynden îcâb ve kabûlü hâvî şurût-ı [27a] müfsideden ârî bey‘-i bâtt-ı sahîh-i şer‘î ile babası merkūm Ahmed’e iki yüz elli guruşa bi’l-vekâle bey‘ ü temlik ve mahâllinde zabta bi’l-vekâle <> taslît eylediğimden sonra semeni olan meblağ-ı mezbûr iki yüz elli guruş mutâlebesine müte‘allika âmme-i da‘vâdan merkūm Ahmed’in zimmetini bi’l-vekâle ibrâ ve ıskāt eylediğimde ol dahi ber-vech-i muharrer iştirâ ve temellük ve kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Şühûdü’l-hâl: Muhzır Ebûbekir Çelebi, Muhzır İbrahim Çelebi, Muhzır Ali Çelebi