Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 126 Hüküm no: 102 Orijinal metin no: [27a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alaybeyi kızı olarak bilinen Hatice’nin alacağını bağışladığı 1851 guruş, meccânen ibrâ. Vilâyet-i Anadolu’da medîne-i Tire ahâlisinden Alaybeyi Kızı demekle ma‘rûf Şerife Hadice Hatun bt. es-Seyyid Mehmed b. Abdullah tarafından <> zikr-i âtî meblağı ahz ü kabza ve sulh ve ibrâya bâ-hüccet-i şer‘iye vekîl olduğu es-Seyyid Süleyman b. Abdullah ve Çizmeci Ömer Ağa b. Mustafa şehâdetleriyle sâbit olan Tire Voyvodası Kapıçukadârı Hasan Efendi b. el-Hâc Hafız Mustafa meclis-i şer‘-i şerîf-i enverde işbu bâ‘isetü’l-vesîka Esirci Şerife Nâile bt. Osman nâm hatun mahzarında bi’l-vekâle ikrâr-ı tam ve takrîr-i kelâm edip müvekkile-i mezbûre Şerife Hadice Hatun’un mezbûre Şerife Nâile Hatun zimmetinde bâ-i‘lâm-ı şer‘î mahkûmün-bih bin sekiz yüz elli bir guruş alacak hakkı olup lâkin meblağ-ı mezbûru mezbûre Şerife Nâile Hatun’un kat‘a edâya iktidârı olmamağla meblağ-ı mezbûr mutâlebesine müte‘allika âmme-i da‘vâdan mezbûre Şerife Nâile Hatun’un zimmetini bi’l-vekâle ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 15 Ra sene [1]242 Şühûdü’l-hâl: Muhzır Mehmed Çelebi, Muhzır Ali Çelebi,