Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 139 Hüküm no: 119 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Mustafa’nın Emetullah Hatun’un zimmetini ibra etmesi Hukūk-ı Şer‘iyyeden ibrâ. Mahmiye-i İstanbul’da Sarmaşık kurbünde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Fatıma bt. Mustafa nâm hatun meclis-i şer‘-i şerîf-i enverde kezâlik zâtı mu‘arrefe işbu bâ‘isetü’l-vesîka Emetullah bt. Hasan nâm hatun mahzarında ikrâr-ı tam ve takrîr-i kelâm edip benim mezbûre Emetullah Hatun zimmetinde hukūk-ı şer‘iyeden hakkım olmamağla hukūk-ı şer‘iyeye ve sâire müte‘allika da‘vâdan mezbûre Emetullah Hatun’un zimmetini ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 24 Ra sene [1]242 Şühûdü’l-hâl: Ali Çelebi el-muhzır, İbrahim Çelebi el-muhzır, Mehmed Çelebi el-muhzır.