Bab Mahkemesi 54 Numaralı Sicil (H. 1102 / M. 1691) cilt: 20, sayfa: 125 Hüküm no: 109 Orijinal metin no: [17a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Çelebi’nin Halil b. Hüseyin’e borçlu olduğu Dârü’l-hilâfeti’l-aliyye Kostantıniyye el-mahmiye’de Sâlih Paşa mahallesi sükkânından Halil b. Hüseyin nâm kimesne meclis-i şer‘î şerîf-i Ahmedî ve mahfil-i dîn-i münîf-i Muhammedî’de Hasan b. Mehmed nâm kimesne mahzarında üzerine da‘vâ ve takrîr-i kelâm edip, merkūm Hasan zimmetinde beynimizde kıymeti ma‘lûm duhân bahâsından ba‘de külli hesâb üç bin sekiz yüz seksen akçe hakkım olmağla, hâlâ taleb eylediğimde bana edâdan imtinâ‘ eder suâl olunup alıverilmesi matlûbumdur dedikde, gıbbe’s-suâl mezbûr Hasan cevâbında, hâl bâlâda mürûr ettiği üzre olup, müdde‘î-i mezbûr Halil’e zimmetimde vâcibü’l-edâ ve lâzımü’l-kazâ meblağ-ı mezbûr üç bin sekiz yüz akçe deynimdir deyu bi’t-tav‘i’s-sâf ikrâr ve i‘tirâf etmeğin, alâ mu‘cebi i‘tirâfihî meblağ-ı mezbûru müdde‘î-i mezbûra edâ ve teslîme mezbûr Hasan’a tenbîh olunup, mâ vaka‘a bi’t-taleb ketb olundu. Fî gurre-i Cumâdelâhire li sene isneteyn ve mi’e ve elf. Şuhûdü’l-hâl: İbrahim Çelebi [b.] Ahmed, Mustafa b. Ahmed, Mehmed b. Muharrem, (…) b. Ahmed.