Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 145 Hüküm no: 128 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gülgülü isimli kadının vefat eden annesi Katerina’nın terekesinden dolayı babası Agob’un zimmetini ibra etmesi Terekeden ibrâ Mahrûse-i Galata hâricinde Beyoğlu nâm mahâlde mütemekkine iken bundan akdem hâlike olan Katerina bt. Adam Nasrâniyenin verâseti zevci Agob v. Karabet zimmî ile sadriye kebîre kızı Gülgülü Nasrâniyeye münhasıra ve terekesinin rub‘u zevci mersûma, bâkīsi kızı mersûmeye isâbeti tahakkukundan sonra şahs-ı mu‘arrefe mersûme Gülgülü Nasrâniye meclis-i şer‘-i hatîr-i lâzımü’t-tevkīrde babası işbu hâmilü’r-rakīm Agob v. Karabet zimmî muvâcehesinde mûrisem anam hâlike-i mersûmenin hîn-i helâkinde yanında mevcûde cemî‘ terekesini babam mersûm bi’l-verâse kabz ve vaz‘-ı yed etmekle tereke-i hâlike-i mersûmeden benim hisse-i irsiyeme isâbet eden iki yüz yetmiş guruşu babam mersûm bana def‘ ü teslîm ben dahi yedinden ahz ü kabz edip min-ba‘d meblağ-ı mezbûrdan mersûm Agob zimmînin yed ve zimmetinde bir akçe ve bir habbe bâkī kalmamağla hukūk-ı mîrâsa müte‘allika da‘vâdan mersûm Agob zimmînin zimmetini bi’l-verâse ibrâ ve iskāt eylediğimde ol dahi ibrâ-yı mezkûrumu kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 28 Ra sene [1]242 Şühûdü’l-hâl: Abdulfettah Çelebi, Hüseyin Çelebi el-muhzır, Mehmed Çelebi el-muhzır