Bab Mahkemesi 54 Numaralı Sicil (H. 1102 / M. 1691) cilt: 20, sayfa: 126 Hüküm no: 111 Orijinal metin no: [17b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kulhan v. Avak’ın alacakları için İsmail Çelebi b. Mehmed’i vekil tayin etmesi Tüccârdan olup medîne-i Van’da bundan akdem hâlik olan Avak v. Halkat nâm Ermeni’nin sulbî kebîr oğlu Kulhan nâm Ermeni meclis-i şer‘-i şerîf-i enverde, işbu bâ‘isü’l-kitâb İsmail Çelebi b. Mehmed mahzarında takrîr-i kelâm ve ta‘bîr-i ani’l-merâm edip, babam hâlik-i mezbûrdan bi’l-irsi’ş-şer‘î bana isâbet edip, ammim Dilan? nâm Ermeni zimmetinde cihet-i karz-ı şer‘îden olan dört kese guruş hakkımı mezbûr Dilan’dan taleb ve da‘vâ ve ahz u kabz ve bana îsâle husûs-ı mezbûr mütevakkıf olduğu umûrun küllîsine mezbûr İsmail Çelebi’yi tarafımdan vekîl ve nâib-i menâb nasb ve ta‘yîn eyledim dedikde, ol dahi vekâlet-i mezbûreyi kabûl ve hizmet-i lâzımesini kemâ-yenbağī edâya ta‘ahhüd etmeğin, işbu vesîka bi’t-taleb ketb olundu. Fî gurreti Cumâdelâhire li sene isneteyn ve mi’e ve elf. Şuhûdü’l-hâl: Süleyman Çelebi b. Abdullah, Hüseyin Çelebi b. Mehmed, Ömer Çelebi b. ( ), İbrahim Çelebi b. Ahmed ve gayruhüm.