Bab Mahkemesi 54 Numaralı Sicil (H. 1102 / M. 1691) cilt: 20, sayfa: 127 Hüküm no: 113 Orijinal metin no: [17b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Mehmed’in İsmail b. Mustafa’dan muhâlaa yoluyla boşanması Mahmiye-i İstanbul’da Çivizâde mahallesi sâkinelerinde Hatice bt. Mehmed nâm hâtun ba‘de’t-ta‘rîf-i şer‘î meclis-i şer‘-i şerîf-i enverde, zevc-i muhâlı‘ı işbu bâ‘isü’l-kitâb İsmail b. Mustafa mahzarında ikrâr ve takrîr-i kelâm edip, zevcim mezbûr İsmail zimmetinde mütekarrir ve ma‘kūdun aleyh olan bin akçe mehr-i müeccelim ve nafaka-i iddet-i mu‘ayyene-i ma‘lûmemden fâriğa olup ve me’ûnet-i süknâm dahi kendi üzerime olmak üzre zevcim mezbûr [İsmail ile] muhâla‘a-i sahîha-i şer‘iyye ile muhâla‘a olup, ol dahi ber vech-i muharrer hul‘-ı mezbûru ba‘de’l-kabûl hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı râfi‘ü’l-hisâm ile ibrâ ve iskāt eyledik dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fî gurreti Cumâdelâhire li sene isneteyn ve mi’e ve elf. Şuhûdü’l-hâl: Osma[n] b. Osman, Mustafa b. Hüseyin, İsmail Çelebi b. Mehmed, Mehmed Çelebi b. Abdullah, İbrahim Çelebi b. Ahmed, Ahmed Çelebi b. Ahmed, Mustafa Çelebi b. Şaban.