Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 309 Hüküm no: 344 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahire’de vefat eden Usturacı Hacı Ahmed Ağa’nın kız kardeşinin Hurşid Ağa’yı vekil tayin etmesi Vekâlet Mısır’a Mahmiye-i İstanbul’da Avratpazarı mahallesi ahâlisinden olup bundan akdemHhacc-ı şerîf avdetinde Mısr-ı Kāhire’de berberbaşı arkadaşı Derviş Ağa’nın menzilinde fevt olan Usturacı el-Hâc Ahmed Ağa b. Mustafa’nın kız karındaşı ve hasren vârisi olduğu lede’ş-şer‘i’l-enver zâhir olan zâtı mu‘arrefe Saide Hatun meclis-i şer‘-i şerîf-i enverde işbu bâ‘isü’l-vesîka Hurşid Ağa b. Abdullah tarafından husûs-ı âtide tasdîka vekîl-i şer‘îsi Mehmed Emin mahzarında bi’l-verâse ikrâr-ı tam ve takrîr-i kelâm edip mûrisimiz karındaşım müteveffâ-yı mezbûrun hîn-i vefâtında yanında mevcûde bi’l-cümle terekesini merkūm Derviş Ağa bi’l-emâne kabz ve vaz‘-ı yed etmekle tereke-i müteveffâ-yı mezbûru mahâllinde merkūm Derviş Ağa’dan taleb ve da‘vâ ve ahz ü kabza ve makbûzunu bana teslîme merkūm Hurşid Ağa’yı tarafımdan vekîl ve nâib-i menâb nasb ü ta‘yîn eylediğimde ol dahi ber-vech-i muharrer vekâlet-i mezkûreyi kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 18 B sene [1]242. Şühûdü’l-hâl: Muhzır Ali Çelebi, Aksaraylı Ahmed Ağa, Boşnak Ahmed Ağa, Muhzır Mehmed Çelebi.