Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 310 Hüküm no: 346 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hüseyin Ağa ile Hüseyin Ağa b. Hasan’ın şirket ortaklıklarını feshederek birbirlerinin zimmetlerini ibra etmeleri Şirketden ibrâ, Mahmiye-i İstanbul’da Bozdoğan kemeri kurbünde sâkin el-Hâc Hüseyin Ağa b. Abdülkerim meclis-i şer‘-i şerîf-i enverde şerîki işbu bâ‘isü’l-vesîka Hüseyin Ağa b. Hasan mahzarında ikrâr-ı tam ve takrîr-i kelâm edip biz res-i mâl ve fâide-i hâsıla beynimizde beraber iktisâm olunmak üzere pirinç bey‘ ü şirâsında iki sene şerîkler olup ba‘dehû fesh-i akd-i şirket birle bi’l-cümle şirket-i mezkûrenin hesâbını şühûd mahzarlarında yegân yegân rü’yet ve res-i mâl ve fâide-i hâsıladan herbirimiz hissemizi âharın yedinden ahz ü kabz edip hukūk-ı şirkete müte‘allika âmme-i de‘âvî ve kâffe-i mutâlebâtdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 11 B sene [1]242. Şühûdü’l-hâl: Muhzır Ebûbekir Çelebi, Muhzır Ali Çelebi.