Bab Mahkemesi 54 Numaralı Sicil (H. 1102 / M. 1691) cilt: 20, sayfa: 145 Hüküm no: 137 Orijinal metin no: [22a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pîr Mehmed Ağa b. Mehmed Vakfı’na nâzır tayin edilmesi Merhûm Pîr Mehmed Ağa b. Mehmed nâm sâhibü’l-hayrın Mahmiye-i İstanbul’da Hayreddin Bey mahallesinde hayyâtîn-i hâssa kârhânesinde vâki‘ mescid-i şerîf mühimmâtına mevkūfe nukūdun mütevellîsi üzerine bir nâzır nasbı lâzım ve mühim olmağın, vâkıf-ı mezbûrun sulbî oğlu fahrü’l-müderrisîni’l-kirâm Mehmed Efendi hazretleri vakf-ı mezbûra kıbel-i şer‘î şerîfden hasbî nâzır nasb ve ta‘yîn olundukda, ol dahi nezâret-i mezkûreyi kabûl ve merâsimini edâya ta‘ahhüd etmeğin, mâ vaka‘a bi’t-taleb ve’l-ibtiğā ketb ve imlâ olundu. Fî gurreti Cumâdelâhire li sene isneteyn ve mi’e ve elf. Şuhûdü’l-hâl: es-Sâbıkūn.