Bab Mahkemesi 54 Numaralı Sicil (H. 1102 / M. 1691) cilt: 20, sayfa: 146 Hüküm no: 139 Orijinal metin no: [22b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Yusuf adlı çocuğa nafaka takdir edildiği Hâkim, hâzır bi’l-meclis olan İbrahim b. Yusuf nâm sagīrin nafakası, kisvesi ve sâir havâic-i zarûriyesi için, medine-i mahmiye-i Kostantıniyye mahallâtından Karabaş mahallesinde sâkine olan râfi‘atü hâzihi’l-vesika Fatıma bt. Mehmed nâm annesi ve hâdinesinin talebiyle yine hâzır bi’l-meclis olan mezbûr babası üzerine, zeyilde mezkûr tarihten itibaren yevmî râyicü’l-vakt dört akçe farz ve takdir etti. Hâkim, meblağ-ı mefrûz-i mezkûru sagīr-i merkūmun havâicine sarf etmeye ve vakt-i hâcette istidâne edip lede’z-zafer mezbûr Yusuf’a rücû‘ etmeye mezkûre Fatıma’ya izin verdi. Cerâ zâlike ve hurrire fi’l-yevmi’s-sâdis ve’l-ışrîn min Cumâdelûlâ sene isneyn ve mie ve elf. Şuhûdü’l-hâl: Mehmed Efendi, İbrahim Çelebi b. Ahmed, Mehmed Çelebi b. ( ), İbrahim Çelebi b. ( ), Yahya b. Ahmed