Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 406 Hüküm no: 470 Orijinal metin no: [75b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Seyyid Mehmed’in eşi Hafız İbrahim Ethem’den muhâlaa usulüyle boşanması Muhâla‘a hücceti Mahmiye-i İstanbul’da Macuncu kurbünde İnadiye mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Şerife Fatıma bt. es-Seyyid Mehmed nâm Hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka Hafız İbrahim Edhem Efendi b. Mehmed mahzarında ikrâr-ı tam ve takrîr-i kelâm edip merkūm Hafız İbrahim Edhem Efendi zevc-i dâhilim olup lâkin beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan iki yüz yirmi beş guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim merkūm ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete ve ibtidâ-yı zevciyetden işbu târih-i kitâba gelince sâir beynimizde cereyân eden cemî‘ hukūk-ı şer‘iyeye müte‘allika da‘vâdan merkūm Hafız İbrahim Edhem Efendi’nin zimmetini ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledi dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 21 Ş sene [1]242. Şühûdü’l-hâl: Muhzır Emin Çelebi, Muhzır Ali Çelebi.