Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 411 Hüküm no: 477 Orijinal metin no: [76b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Sava’nın menzilini satması Menzil mübâya‘ası, 450 guruş Vilâyet-i Anadolu’da Nevşehir kasabasında Aşağı mahalle re‘âyâsından olup mahrûse-i Galata’ya muzâfe İstinye nâhiyesine tâbi‘ Arnavud karyesinde mütavattın Kayıkçı Sava v. Kostandi zimmî meclis-i şer‘-i hatîr-i lâzımü’t-tevkīrde işbu hâmilü’r-rakīm İstafor v. Toma zimmî muvâcehesinde ikrâr-ı tam ve takrîr-i kelâm edip akd-i âti’z-zikrin sudûruna değin müstakıllen yedimde mülk ve hakkım olup mahalle-i mezbûrede vâki‘ bir tarafdan Anaştaş zimmî menzili ve bir tarafdan Bartın zimmî menzili ve bir tarafdan Dere ve bir tarafdan tarîk-i âm ile mahdûd iki oda ve bir sofa ve bir kenîf ve bir mikdâr havluyu müştemil bir bâb mülk menzilimi tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mersûm İstafor zimmîye dört yüz elli guruşa bey‘ ü temlik ve mahâllinde zabta tarafımdan mersûmu taslît eylediğimde ol dahi ber-vech-i muharrer iştirâ ve temellük ve tesellüm ve kabz ü kabûl eyledikden sonra semeni olan meblağ-ı mezbûr dört yüz elli guruşu müşteri-yi mersûm bana def‘ ü teslîm ben dahi yedinden tamamen ahz ü kabz eyledim, fîmâ-ba‘d menzil-i mahdûd-ı mezkûr mersûm İstafor zimmînin mülk-i müşterâsı ve hakk-ı sırfı olup benim kat‘a alâka ve medhalim kalmamışdır dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 25 N sene [1]242. Şuhudü’l-hâl: Muhzır Ebûbekir Çelebi, Muhzır İsmail Çelebi, Muhzır Mehmed Çelebi, Muhzır Ali Çelebi, Kiryako Kaplan, İstefan, Simyon, Nikola, Lefter, Apostol.