Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 412 Hüküm no: 479 Orijinal metin no: [76b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenneci Mustafa b. Süleyman b. Mustafa’nın bazı mülklerini satmak üzere İsmail b. Mustafa’yı vekil tayin etmesi Vekâlet Hücceti, Vilâyet-i Anadolu’da medîne-i Kayseriye ahâlisinden olup mahmiye-i İstanbul’da Molla Hüsrev mahallesinde sâkin Zennecizâde Mustafa b. Süleyman b. Mustafa meclis-i şer‘-i şerîf-i enverde işbu bâ‘isü’l-vesîka İsmail b. Mustafa mahzarında ikrâr-ı tam ve takrîr-i kelâm edip benim medîne-i mezbûrede Yabıkoğlu Cemâ‘atinde vâki‘ müstakıllen yedimde mülk ve hakkım olan lede’l-ahâli ma‘lûmü’l-hudûd bir bâb Develik ile yine medîne-i mezbûre civârında Pervâne nâm mahâlde vâki‘ ma‘lûmü’l-hudûd tahmînen on müt [müd] tohum istî‘âb eder bir kıt‘a çayırda olan sülüsân hissemi ve Karahisar kasabasında vâki‘ lede’l-ahâli ma‘lûmü’l-hudûd yirmi kıt‘a kürûmu mülk bağda olan nısf hisse-i şâyi‘amı mahallerinde semen-i misilleriyle âhara bey‘e ve kabz-ı semene ve esmânını bana îsâl ve teslîme ve husûs-ı mezkûrlar mütevakkıf olduğu umûrun küllîsine tarafımdan merkūm İsmail’i vekîl ve nâib-i menâb nasb ü ta‘yîn eyledim dedikde, ol dahi ber-vech-i muharrer vekâlet-i merkūmeyi kabûl ve merâsimini mahâllinde kemâ-yenbagī edâya ta‘ahhüd ve iltizâm etmeğin mâ-vaka‘a [bi’t-taleb ketb olundu.] Fî 5 L sene [1]242. Şühûdü’l-hâl: Ali Efendi b. el-Hâc Mehmed, Mehmed b. el-Hâc Şaban, Şaban b. Abdullah.