Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 414 Hüküm no: 481 Orijinal metin no: [77a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saraydar Markar’ın Van ahalisinden Markar v. Marathan’da olan alacağını tahsil etmek üzere vekil tayin etmesi Vekâlet Fi’l-asl vilâyet-i Anadolu’da Van kasabası re‘âyâsından olup mahmiye-i İstanbul’da Mollagürânî mahallesinde vâki‘ esbak Şeyhülislâm merhûm es-Seyyid Zeynelabidin Efendizâde sâbıkā Üsküdar kādısı es-Seyyid Mehmed Ârif Efendi’nin sa‘âdet-hânelerinde mütemekkin Saraydar Markar v. Asvador zimmî meclis-i şer‘-i şerîf-i enverde takrîr-i kelâm ve ta‘bîr ani’l-merâm edip benim hâlâ Van kasabasında mütemekkin Markar v. Marathan zimmî zimmetinde cihet-i karzdan bâ-temessük iki bin dört yüz guruş alacak hakkım olup meblağ-ı mezbûr iki bin dört yüz guruşu medyûnum gāib-i mersûmdan taleb ve da‘vâ ve ahz ü kabza bundan akdem tarafımdan li-ebeveyn er karındaşım Kigork zimmîyi tevkîl etmiş idim. El-hâletü hâzihî karındaşım mersûm Kigork zimmî hâlik olup vekâlet-i mezkûre bâtıla olmağla meblağ-ı mezbûr iki bin dört yüz guruşu medyûnum mersûmdan mahâllinde taleb ve da‘vâ ve ahz ü kabza ve makbûzunu bana irsâl ve teslîme ve husûs-ı mezbûr mütevakkıf olduğu umûrun küllîsine tarafımdan hâlâ zikr olunan Van kasabasında mütemekkin işbu bâ‘isü’r-rakīm eniştem Haçador v. Adam zimmîyi kabûlüne mevkūfe vekîl nasb ü ta‘yîn eyledim dedikde mâ-vaka‘a [bi’t-taleb ketb olundu.] Fî 4 L sene [1]242. Şühûdü’l-hâl: Ebûbekir Çelebi, Muhzır Emin Çelebi, Agob v. Ohannes, Bağdisar v. Ohannes, Nikagos v. Bağdisar, Avadik v. Vartan.