Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 416 Hüküm no: 484 Orijinal metin no: [77a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in Seyyid Ahmed Ağa’ya borcu olduğunu ikrar etmesi İkrâr-ı deyn hücceti, 1000 guruş. Mahmiye-i İstanbul’da Şehremîni kurbünde Deniz Abdal mahallesinde sâkine Hâs Ahur kâtibi kerîmesi demekle ma‘rûfe ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Şerife Âişe bt. Mehmed nâm hatun meclis-i şer‘-i şerîf-i enverde işbu bâ‘isü’l-vesîka es-Seyyid Ahmed Ağa b. es-Seyyid Ömer mahzarında ikrâr-ı tam ve takrîr-i kelâm edip benim merkūm es-Seyyid Ahmed Ağa’ya malından ve yedinden ikrâz ve kabz eylediğim beş yüz guruş ve kezâlik merkūmun malından ve yedinden iştirâ ve kabz eylediğim eşyâ-yı mütenevvi‘a semeninden beş yüz guruş ki ciheteyn-i mezkûreteynden cem‘an bin guruş zimmetimde merkūm es-Seyyid Ahmed Ağa’ya vâcibü’l-edâ ve lâzımü’l-kazâ sahîhan deynimdir dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 29 N sene [1]242. Şühûdü’l-hâl: Ebûbekir Çelebi el-muhzır, Mehmed Emin Çelebi el-muhzır, İsmail Çelebi el-muhzır.