Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 421 Hüküm no: 493 Orijinal metin no: [78a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. İbrahim’in eşi Mehmed Şevki’den muhâlaa usulüyle boşanması Muhâla‘a Mahmiye-i İstanbul’da Mevlevîhâne Yenikapısı kurbünde sâkine ve zâtızeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Hadice bt. İbrahim nâm hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka Mehmed Şevki b. İbrahim mahzarında ikrâr-ı tam ve takrîr-i kelâm edip merkūm Mehmed Şevki zevc-i dâhilim olup lâkin beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan kırk guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim merkūm Mehmed Şevki ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete ve ibtidâ-yı zevciyetden işbu târih-i vesîkaya gelince sâir beynimizde cereyân eden cemî‘ hukūk-ı şer‘iyeye [müte‘allika] âmme-i da‘vâdan her birimiz âharın zimmetini ibrâ ve iskāt ve her birimiz ber-vech-i muharrer aharın ibrâsını kabûl eyledik dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 9 L sene [1]242. Şühûdü’l-hâl: Kırımî İvaz Ahmed, Muhzır Emin Çelebi, el-Hâc Mustafa Ağa b. el-Hâc Süleyman, Muhzır Feyzullah Çelebi, Muhzır İsmail Çelebi.