Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 427 Hüküm no: 501 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstefan v. Pador’un Ahıska’nın Karamüezzin mahallesindeki menzilini satması Menzil mübâya‘ası, 1000 guruş Vilâyet-i Anadolu’da Ahıska kazâsı mahallâtından Karamüezzin mahallesi re‘âyâsından olup mahmiye-i İstanbul’da Tavukpazarı’nda mütemekkin İstefan v. Pador zimmî meclis-i şer‘-i hatîr-i lâzımü’t-tevkīrde işbu hâmilü’r-rakīm Petro v. Anton zimmî muvâcehesinde ikrâr-ı tam ve takrîr-i kelâm edip akd-i âti’z-zikrin sudûruna değin müstakıllen yedimde mülküm olup mahalle-i mezbûrede vâki‘ bir tarafdan Kortininoğlu Kirkor zimmî menzili ve iki tarafdan Filibe Ohannes zimmî menzili ve bir tarafdan tarîk-i hâs ile mahdûd müştemilât-ı ma‘lûmeyi hâvî bir bâb mülk menzilimi tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mersûm Petro zimmîye bin guruşa bey‘ ü temlik ve mahâllinde zabta tarafımdan mersûmu taslît eylediğimde ol dahi ber-vech-i muharrer iştirâ ve temellük ve kabûl eyledikden sonra semeni olan meblağ-ı mezbûr bin guruşu müşteri-yi mersûm bana def‘ ü teslîm ben dahi yedinden tamamen ahzu kabz eyledim fîmâ-ba‘d menzil-i mahdûd-ı mezkûr mersûm Petro zimmînin mülk-i müşterâsı ve hakk-ı sırfı olup benim kat‘a alâka ve medhalim kalmamağla mebî‘-i mezkûrun tağrîr ve gabnine müte‘allika da‘vâdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 12 L sene [1]242. Şühûdü’l-hâl: İbrahim Ağa, Ali Çelebi el-muhzır, Derviş Ağa oğlu el-Hâc Hasan, Muhzır Mehmed Çelebi el-muhzır, Muhzır Ebûbekir Çelebi, Berber Mustafa Ağa oğlu Osman, Isfahan Taşıoğlu Tosun Mehmed, Ereğlioğlu İstefan, Kapıcıoğlu Ohannes, Haçikoğlu İstefan, Semercioğlu Petro, Çilemüzoğlu Papa Gaspar v. ( ), Hanimoğlu İstefan, Boyacıoğlu Melkon.