Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 455 Hüküm no: 537 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kavukçu Hacar’ın vârislerinin kendilerine intikal eden mirası aralarında taksim etmeleri İktisâm hücceti Mahmiye-i İstanbul’da Langa kurbünde mütemekkin iken bundan akdem hâlik olan Kavukçu Hacar v. Karabet zimmînin verâseti sulbî kebîr oğulları Bedros ve Anparson zimmîler ile sulbiye kebîre kızı Beyrab Nasrâniye’ye inhisârı tahakkukundan sonra mersûmân Bedros ve Anparson zimmîler meclis-i şer‘-i hatîr-i lâzımü’t-tevkīrde işbu hâmiletü’r-rakīm şahsını mu‘arrefe mersûme Beyrab Nasrâniye muvâcehesinde her biri bi’l-verâse ikrâr-ı tam ve takrîr-i kelâm edip mûrisimiz hâlik-i mersûmun hîn-i helâkinde yanında mevcûde bi’l-cümle terekesini biz beynimizde iktisâm ve her birimiz hisse-i ma‘lûmemizi âhar yedinden ahz ü kabz ve istifâ-yı hak edip min-ba‘d tereke-i hâlik-i mersûmdan her birimizin âharın yed ve zimmetinde bir nesne bâkī kalmamağla mûrisimiz hâlik-i mersûmun bi’l-cümle ism-i mâl ıtlâk olunur terekesine ve hukūk-ı mîrasa müte‘allika da‘vâdan her birimiz âharın zimmetini ibrâ ve iskāt ve her birimiz âharın ibrâsını kabûl eyledik dediklerinde mukırratân-ı mersûmânı mersûme Beyrab Nasrâniye tasdîk ve ber-vech-i muharrer ibrâ eylediğini bi-tamamihi ikrâr ü i‘tirâf etmeğin mâ-vaka‘a [bi’t-taleb ketb olundu.] Fî L sene [1]242. Şühûdü’l-hâl: Muhzır Feyzullah Çelebi, Muhzır İsmail Çelebi, Muhzır Ali Çelebi.