Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 457 Hüküm no: 541 Orijinal metin no: [84a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rençber Nikagos’un sağlığında dayısı oğluna 1350 kuruş hibe etmesi 1350 guruş hibe hücceti Vilâyet-i Anadolu’da Bayburt kazâsı re‘âyâsından olup mahmiye-i İstanbul’da Süleyman Paşa Hanı’nda mütemekkin iken bundan akdem hâlik olan Rençber Nikagos v. Manuk zimmînin li-ebeveyn er karındaşı ve hasran vârisi olduğu bi’l-ihbâr zâhir olan Kiragos zimmî meclis-i şer‘-i hatîr-i lâzımü’t-tevkīrde hâlik-i mersûmun dayısı oğlu işbu hâmilü’r-rakīm Varteres v. Kirkor zimmî muvâcehesinde bi’l-verâse ikrâr-ı tam ve takrîr-i kelâm edip mûrisim hâlik-i mersûm Nikagos zimmî sağlığında malından bin üç yüz elli guruşunu dayısı oğlu mersûm Varteres zimmîye hibe-i sahîha-i şer‘iye ile hibe ve temlik ve teslîm eylediğinde ol dahi meclis-i hibede ittihâb ve temellük ve tesellüm ve kabz ü kabûl ve umûruna sarfla istihlâk edip ol-vechile meblağ-ı mezbûr mersûm Varteres zimmînin mâl-ı mevhûbu olmağla hukūk-ı şer‘iyeye müte‘allika âmme-i da‘vâ ve kâffe-i mutâlebâtdan mersûm Varteres zimmînin zimmetini ibrâ ve iskāt eyledim dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 19 L sene [1]242. Şühûdü’l-hâl: Muhzır Emin Çelebi, Muhzır Ali Çelebi, Muhzır Mehmed Çelebi.