Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 467 Hüküm no: 553 Orijinal metin no: [85b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hasan’ın vârislerinin terekeden hisselerini teslim almaları Terekeden ibrâ Mahmiye-i İstanbul’da Mercan Ağa mahallesinde sâkine iken bundan akdem fevt olan Hadice bt. Hasan’ın verâseti zevc-i metrûku Hasan b. Süleyman ve vâlidesi Âişe bt. Mehmed ile li-ebeveyn er karındaşı Mustafa’ya inhisârı tahakkukundan sonra merkūm Hasan meclis-i şer‘-i şerîf-i enverde tereke-i müteveffiye-i mezbûreye bi’l-emâne vaz‘-ı yedleri mütehakkık olan işbu bâ‘iseteyü’l-vesîka zâtı mu‘arrefe mezbûre Âişe Hatun ile mezbûr Mustafa mahzarlarında bi’l-verâse ikrâr-ı tam ve takrîr-i kelâm edip mûrisemiz müteveffât-ı mezbûrenin hîn-i vefâtında yanında mevcûde bi’l-cümle terekesini vâlidesi mezkûre ile karındaşı mezbûr bi’l-emâne ahz ü kabz etmeleriyle biz tereke-i müteveffâ-yı mezbûreyi beynimizde iktisâm ve her birimiz hisse-i irsiyemizi âhar yedinden tamamen ahz ü kabz edip hukūk-ı mîrâsa ve sâir hukūk-ı şer‘iyeye müte‘allika âmme-i da‘vâdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 28 L sene [1]242. Şühûdü’l-hâl: Muhzır Emin Çelebi, Muhzır Ali Çelebi, Muhzır Feyzullah Çelebi.