Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 467 Hüküm no: 554 Orijinal metin no: [85b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arnavutluk tarafına sürgün edilen Odabaşı Hasan’ın Sultan Bayezid-i Veli Vakfı tarafından el konulan terekesinin listesi Kassâm Defteri Mahmiye-i İstanbul’da Sultan Bâyezid-i Veli Câmi‘-i şerîfi civârında olup vakf-ı şerîfin hudûdu dâhilinde sâkin olup bilâ-vâris-i ma‘rûf gāib olanların bi’l-cümle muhallefâtı cânib-i vakf-ı şerîfde hıfz olunmak bâ-fermân-ı âlî şurût-ı mer‘iyeden olduğuna binâen Arnavud tâifesinden olup merhûm-ı mezbûrun binâ ve inşâsına muvaffak oldukları imâret-i ma‘mûrelerinde sâkin iken bu def‘a vilâyeti cânibine bâ-irâde-i seniyye nefy ve iclâ olunan Odabaşı Hasan nâm kimesnenin imâret-i mezkûre derûnunda mevcûde “mâ-yuhâfu aleyhi’l-helâk” olan eşyâsı vakf-ı müşârün-ileyh tarafından kabzına memûr olan Mühürdâr İbrahim Efendi ma‘rifeti ve ma‘rifet-i şer‘le tahrîr ve semen-i misilleriyle âhara bey‘ olunan gāib-i mezbûrun defteridir ki ber-vech-i âtî zikr olunan [olunur:] Fî 27 L sene [1]242. Kaput 1 aded 102 guruş Köhne dolama 1 aded 10 guruş Üzengi 1 aded 5 guruş Çekmece ma‘a sandık 1 aded 5 guruş Bir mikdâr çakmak taşı 40 guruş Köhne don 1, ma‘a gömlek 1 aded 1,5 guruş Bir mikdâr bakır takımı 30 guruş Yekûn 193,5 guruş 4 guruş dellâliye 189,5 guruş