Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 70 Hüküm no: 24 Orijinal metin no: [12a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mütevelli Ferruh Bey’in Çavuş Hüseyin Ağa’dan mukâtaa gelirini tahsil ettiği Kasaba-i Gebze’de âsûde olan merhûm ve mağfûrun-leh Mustafa Paşa imâreti evkāfına hâlâ mütevellî fahrü’l-akrân Ferruh Bey b. Abdülmennân meclis-i şer‘-i refî‘ü’l-bünyâna hâzır olup Dergâh-ı âlî çavuşlarından işbu râfi‘ü’l-kitâb zahrü’l-a‘yân Hüseyin Ağa b. Abdülmennân tarafından husûs-ı âti’z-zikri tasdîka vekîl-i şer‘î olan İbrahim b. Sefer nâm kimesne mahzarında takrîr-i kelâm edip evkāf-ı mezbûreden olup Zadreme mukāta‘ası dimekle ma‘rûf olan mukāta‘a mahsûlünden bir def‘a otuz bin ve bir def‘a kırk bin cem‘an yetmiş bin fıddî-i Osmânî akçeyi mukāta‘a-i mezkûreye alâkası olan mezbûr Hüseyin Ağa yedinden vakf-ı mezbûr için tevliyetim hasebiyle alıp bi’t-tamâm kabz eyledim dedikde mütevellî-i mezkûrun ikrâr-ı meşrûhunu vekîl-i mesfûr vicâhen tasdîk etdikde vâki‘-i hâl gıbbe’s-suâl ketb olundu. Tahrîren fî evâhiri Rebî‘ilevvel li sene selâse ve elf. Şuhûdü’l-hâl: es-Seyyid Abdullah b. es-Seyyid, Hasan Halîfe, Ramazan b. Abdullah, Hüseyin b. Abdullah, Mustafa Çavuş Beyzâde, Hamza b. Abdullah.