Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 88 Hüküm no: 45 Orijinal metin no: [18b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Ferhad’ın ödünçten dolayı Abdi Ağa b. Abdülmennân’a borcu olduğu Dârü’s-saltanati’s-seniyye mahmiye-i Kostantıniyye mahallâtından Esirci Kemal mahallesinde sâkin olan Ahmed Bey b. Ferhad nâm kimesne meclis-i şer‘-i şerîfde hâzır olup, üzerinde ve zimmetinde, mahmiye-i merkūme mahallâtından Langa mahallesinde sâkin olan müteferrika tâifesinden sâhib-i hâze’l-kitâb mefharü’l-emâsil ve’l-a‘yân Abdi Ağa b. Abdülmennân’ın karz-ı şer‘î cihetinden râyicü’l-vakt on altı bin beş yüz akçe hakkı olduğunu ikrâr ve i‘tirâf etti. Zimmetinde lâzimü’l-edâ ve vâcibü’l-kazâ deyndir. Mukırr-ı mezbûrun mahalle-i mezkûrede vâki‘, bir taraftan Sarrâc İshak Vakfı, diğer taraftan Meryem Hâtun mülkü, öteki taraftan Mustafa mülkü ve diğer taraftan da tarîk-ı âm ile mahdûd olan menzili de cümle tevâbi‘ ve levâhıkı ile deyn-i mesfûr mukābilinde dâ’in-i mezbûr yedinde rehn-i makbûzdur. Dâ’in-i mezkûr kıbelinden tasdîke vekîl edilen Mehmed Bey b. Mahmud vâki‘ ikrârı vicâhen ve şifâhen tasdîk etti. Vekîl-i mezbûr, meblağ-ı mezbûra îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sânî ve’l-ışrîn min Receb sene isneteyn ve elf. Şuhûdü’l-hâl: Abdi Bey b. İskender, Ali b. Bâli el-imâm, Ali b. Yusuf el-müezzin, İbrahim b. Ali el-imâm, Ramazan b. Mehmed el-müezzin, Sâlih b. Budak ve gayruhüm