Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 90 Hüküm no: 48 Orijinal metin no: [19a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Ahmed b. Mustafa’nın Hüseyin b. Zekeriya’nın evini basarak kendisine zulmettiği iddiasının ispatlanamadığı Oldur ki, Vilâyet-i Karaman’da kasaba-i Gaferiyat tevâbi‘inden Edayda nâm karye ahâlîsinden el-Hâc Ahmed b. Mustafa nâm kimesne meclis-i şer‘-i refî‘ü’l-erkâna karye-i mezbûrede sâkin Hâssa sarrâclardan işbu râfi‘ü’l-kitâb Hüseyin b. Zekeriya nâm kimesneyi ihzâr ve mahzarında takrîr-i kelâm edip bundan akdem mezbûr Hüseyin karındaşı Mehmed Çavuş ile benim evim basıp bana nice zulüm ve te‘addî eylemişdir, suâl olunsun dedikde gıbbe’s-suâl akībe’l-inkâr ve’ş-şehâde müdde‘î-i mezbûr ikāmet-i beyyinede âcizin, lâkin merkūm Hüseyin karındaşı Mehmed Çavuş ile evim basıp bana zulüm ve te‘addî eylemediğine tahlîf olunsun dedikde ba‘de’t-tahlîfi’ş-şer‘î merkūm Hüseyin kasaba-i ma‘hûdede bile olmayıp kat‘an haberi yok idiğine yemîn billâh eyledikde vâki‘-i hâl ketb olundu. Tahrîren fî evâsıtı Şa‘bân [sene isneteyn ve elf]. Şuhûdü’l-hâl: Pîr Ali Çavuş b. el-Hâc Veli, Mahmud b. Mehmed es-serrâc, el-Hâc Davud b. Abdullah ve gayruhüm.