Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 91 Hüküm no: 49 Orijinal metin no: [19a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Ahmed b. Mustafa’nın Hüseyin b. Zekeriya’da alacağı olduğu iddiasının ispatlanamadığı Oldur ki, Vilâyet-i Karaman’da kasaba-i Gaferiyat tevâbi‘inden Edayda nâm karye sâkinlerinden el-Hâc Ahmed b. Mustafa nâm kimesne meclis-i şer‘-i refî‘ü’l-erkâna giri[p] karye-i mezbûrede sâkin Hâssa sarrâclardan işbu râfi‘ü’l-kitâb Hüseyin b. Zekeriya nâm kimesneyi ihzâr ve mahzarında takrîr-i kelâm edip bundan akdem merkūm Hüseyin’e yüz elli aded kâmilü’l-vezn kuruş teslîm eylemiş idim, hâlâ suâl olun[su]n dedikde, gıbbe’s-suâl ve akībe’l-inkâr ve’l-istişhâd müdde‘î-i mezbûr sıdk-ı makāline beyyine-i âdile ikāmetinden âciz olup tahlîf olunmasın taleb etmeğin, merkūm Hüseyin’de meblağ-ı mezbûrdan küllen ve ba‘zen akçe olmayıp bi vechin mine’l-vücûh husûs-ı mezbûrdan haberi yok idiğine tahlîf olunup yemîn billâh etdikde vâki‘-i hâl gıbbe’s-suâl ketb olundu. Fi’t-târihi’l-mezbûr. Şuhûdü’l-hâl: Es-Sâbikūn.