Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 92 Hüküm no: 51 Orijinal metin no: [19b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhallefâtına Beytülmâlce el konulan yaya Mustafa b. Abdullah’ın bağının müzâyede ile Ali Ağa b. Abdülmennân’a satıldığı Küçükçekmece kasabası muzâfâtından Ayastefanos karyesinde bundan akdem vefât eden merhûm Mustafa b. Abdullah er-râcilin muhallefâtına vâzı‘-ı yed olan Atebe-i aliyyede vâki‘ râciline mahsûs beytülmâlin emîni olan mefharü’l-a‘yân Sefer Subaşı b. Abdülmennân meclis-i şer‘-i şerîf-i enverde hâzır olup âtiyyü’z-zikr bağı râfi‘-i hâze’l-kitâb kıdvetü’l-a‘yân zevvâk-ı sultânî Ali Ağa b. Abdülmennân’a emânet-i mahkiyyesi hasebiyle bey‘-i bâtt-ı sahîh ile bey‘ ettiğini ikrâr ve i‘tirâf etti. Mezbûr Ali Ağa da kendi mâlıyla ve kendisi için, beytülmâl-i mezbûra muhallefât-ı merkūmeden intikāl eden, karye-i mesfûrede vâki‘, bir taraftan Nikola v. Yani bağı, diğer taraftan Yorgi v. Lund bağı, öteki taraftan Erina nâm zimmiyye bağı, diğer taraftan da mezra‘-ı mîrîye ile mahdûd bağı cümle tevâbi‘ ve levâhıkı ile râyicü’l-vakt üç bin akçe semen-i mu‘ayyen-i makbûz ile iştirâ etti. Îcâb ve kabûl, teslîm tesellümle akid tamâm oldu. İşbu mubâya‘a, menzil-i mezbûrun mirâren beyne’t-tâlibîn ve’r-râgıbîn müzâyede olunup semen-i mezbûrla müşterî üzerinde karâr eylemesinden sonra vâki‘ oldu. Vâki‘ ikrâr, müşterî-i mezbûr tarafından bi’l-muvâcehe tasdîk edildi. Cerâ fî evâili Şa‘bân sene mezbûre. Şuhûdü’l-hâl: Mehmed b. Abdullah, Hasan b. Abdullah, Ahmed b. Hüseyin ve gayruhüm