Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 96 Hüküm no: 56 Orijinal metin no: [20b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Abdullah’ın babasının evine giden karısı Fâtıma’yı geri alması Dergâh-ı âlî yeniçerilerinden işbu râfi‘ü’l-kitâb Ahmed Bey b. Abdullah nâm kimesne meclis-i şer‘-i şerîfe Hüsrev b. Abdullah nâm kimesneyi ihzâr ve mahzarında takrîr-i kelâm edip bundan akdem mezbûr Hüsrev ve sulbiye kebîre kızı Fâtıma nâm bikri rızâsı ve altı bin akçe mehr-i müeccel ile bana nikâh edip hâlâ mezbûre Fâtıma menkûham olup cem‘ olmuş iken kızım seni istemez deyû bî-vech [ve] bî-hak te‘allül edip menkûhamı alıp zabtıma mâni‘ olur dedikde, gıbbe’s-suâl mezbûr Hüsrev fi’l-hakīka minvâl-i meşrûh üzre olduğunu ikrâr ve i‘tirâf etmeğin, min ba‘d hakkına mâni‘ olmamağa tenbîh olunup vâki‘-i hâl bi’t-taleb ketb olundu. Tahrîren fî evâsıtı Şa‘bân li seneti’l-mezbûre. Şuhûdü’l-hâl: Fahru’l-akrân Abidin Çavuş el-mübâşir, Ali b. Abdullah, Mustafa b. Abdullah er-râcil, Pîrî b. Pervâne, Nasun [b.] Abdullah ve gayruhüm.