Bab Mahkemesi 54 Numaralı Sicil (H. 1102 / M. 1691) cilt: 20, sayfa: 160 Hüküm no: 161 Orijinal metin no: [26a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Ahmed’in eşyalarını kızı Aynî bt. Muharrem’e hibe etmesi Mahmiye-i İstanbul’da Ali Paşa-yı Atîk mahallesi sâkinelerinden Emine bt. Ahmed nâm hâtun ba‘de’t-ta‘rîfi’ş-şer‘î meclis-i şer‘-i şerîf-i enverde, sulbiye kebîre kızı Aynî bt. Muharrem nâm hâtun mahzarında ikrâr-ı sahîh-i şer‘î ve i‘tirâf-ı sarîh-i mer‘î kılıp, eşyâ-i memlûkemden dört tencere ve dört sahan ve iki sagīr tepsi ve dört yasdık gılâfı ve iki minder ve iki köhne yorgan ve bir leğen ma‘a ibrik ve bir kebîr tâbe ve iki gömlek ve bir köhne orta keçesi ve bir kebe kızım mezbûre Aynî’ye hibe-i sahîha-i şer‘iyye ile hibe ve temlîk, ol dahi meclis-i hibede ittihâb ve temellük ve kabûl ettiğinden sonra hâlâ işbu lâbise olduğum köhne libâsımdan gayri ism-i mâl ıtlâk olunur eşyâmdan bir nesnem yokdur. Sulbiye kızım mezbûre Aynî’nin mülk ve hakkıdır dedikde, gıbbe’t-tasdîki’ş-şer‘î mâ vaka‘a bi’t-taleb ve’l-ibtiğā ketb ve imlâ olundu. Fi’[l-yevmi’]r-râbi‘ min Cumâdelâhire li sene isneteyn ve mi’e ve elf. Şuhûdü’l-hâl: Mehmed Efendi b. Musli el-hatîb, Mustafa b. ( ) el-kayyum, Sâlih Çelebi b. Seyfullah, Mehmed b. Oruç, Hasan Beşe b. Abdurrahman.