Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 105 Hüküm no: 71 Orijinal metin no: [22b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Acemi oğlanları beytülmâl emini Bayezid Subaşı’nın, vefat eden Hasan adlı acemi oğlanının Silahdar Mehmed Bey’de kalan parasını teslim aldığı Oldur ki, Atebe-i aliyyede vâki‘ acemi oğlanları zümresinin hâlâ beytülmâl emîni olup müteveffâ-yı âti’z-zikrin muhallefâtına vâzı‘u’l-yed olan fahrü’l-akrân Bayezid Subaşı b. Abdülmennân meclis-i şer‘-i menî‘ü’l-erkâna hâzır olup sene ihdâ ve elf’de vâcib Karaferye cizyesin cem‘a me’mûr olan işbu râfi‘ü’l-kitâb Mehmed Bey [b.] Sinan nâm silahdâr mahzarında takrîr-i kelâm edip bundan akdem zümre-i mezbûreden ikinci cemâ‘atden merhûm Hasan b. Abdullah nâm acemi oğlanı merkūm Mehmed Bey’e karz tarîki üzre yirmi bin akçe vermeğin Karaferye’ye bile gidip anda vefât eyledikde, merkūm Mehmed Bey zimmetinde olan meblağ-ı mezbûrun dört yüz akçesin hastalığı hâlinde emriyle mezbûr Hasan’a harc edip ve dokuz yüz akçesin dahi vasiyyeti ile vefâtından sonra techîz ve tekfîn ve sâir levâzımına harc u sarf edip meblağ-ı mezkûrdan merkūm Mehmed Bey zimmetinde on sekiz bin yedi yüz akçe bâkī kalmış imiş, hâlâ bâkī-i mezkûr on sekiz bin yedi yüz akçeyi emânetim hasebiyle beytülmâl için mezbûr Mehmed Bey yedinden bi’t-tamâm alıp kabz eyledim dedikde, emîn-i mezkûrun vech-i meşrûh üzre olan ikrâr ve i‘tirâfın mesfûr Mehmed Bey vicâhen tasdîk edip vâki‘-i hâl gıbbe’s-suâl ketb olundu. Fi’l-evâili Ramazan sene-i mezbûre. Şuhûdü’l-hâl: Behrâm Bey b. Abdullah ez-zürrâ‘, Mehmed Bey [b.] Yusuf, eş-Şeyh Ali b. İskender, Mehmed b. Abdullah er-râcil, Haydar b. Sadi, Ali b. Murad ve gayruhüm.