Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 122 Hüküm no: 97 Orijinal metin no: [26b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pîr Ahmed b. Abdullah’ın Mustafa b. Mehmed’de alacağı olduğu iddiasını ispatlayamadığı Kasaba-i Ebî Eyyûb Ensârî sâkinlerinden Pîr Ahmed b. Abdullah nâm kimesne meclis-i şer‘a medîne-i Yenişehir ahâlîsinden Mevlânâ Mustafa b. Mehmed nâm mülâzımı ihzâr ve mahzarında takrîr-i kelâm edip mezbûr Mustafa zimmetinde bin akçe cihet-i karzdan ve iki yüz akçe çuka bahâsından cem‘an bin iki yüz akçe hakkım vardır taleb ederin dedikde, gıbbe’s-suâl mezbûr Mustafa cevâb verip fi’l-vâki‘ benim zimmetimde mezbûr Pîr Ahmed’in bende bin iki yüz akçe hakkı var idi. Lâkin meblağ-ı merkūmu emriyle Sadi nâm danişmende teslîm eyledim dedikde, merkūm Pîr Ahmed teslîm emrini i‘tirâf edip lâkin mezkûr Mustafa’nın meblağ-ı merkūmu mezbûr Sadi’ye teslîmi inkâr edip istişhâd olundukda, sâlifü’z-zikr Mustafa ikāmet-i beyyineden âcizin, lâkin meblağ-ı mezbûr benden teslîm olunmadığına yemîn eylesin dedikde, merkūm Pîr Ahmed[’e] yemîn teklîf olunup yemînden nükûl etdikde vâki‘-i hâl mezkûr Mustafa talebiyle kayd olundu. Fi’t-târihi’l-mezbûr. Şuhûdü’l-hâl: Es-Sâbikūn.