Bab Mahkemesi 54 Numaralı Sicil (H. 1102 / M. 1691) cilt: 20, sayfa: 161 Hüküm no: 164 Orijinal metin no: [26a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mustafa Ağa b. Hüseyin’in mirasının varislerince paylaşılması Mahmiye-i İstanbul’da Mi‘mâr Sinan mahallesinde sâkin iken bundan akdem vefât eden el-Hâc Mustafa Ağa b. Hüseyin b. Mahmud’un verâseti, zevce-i metrûkesi Gevher Hâtun bt. Sefer ile sulbî kebîr oğlu Mehmed Çelebi ve Ahmed Çelebi ve sulbiye kebîre kızı Hatice Hâtun’a münhasıra olduğu şer‘an mütehakkik oldukdan sonra [26b] merkūm Ahmed Çelebi meclis-i şer‘-i şerîfde, karındaşı merkūm Mehmed Çelebi mahzarında ikrâr-ı tâm ve takrîr-i kelâm edip, babamız müteveffâ-yı mezbûr el-Hâc Mustafa Ağa’nın nukūd ve menkūl ve akārı ve sâir kalîl ve kebîr bi’l-cümle ism-i mâl ıtlâk olunur cemî‘ terekesini bi’l-farîzati’ş-şer‘iyye beynimizde iktisâm, ben cemî‘ hisse-i irsiyemi tamâmen ahz u kabz edip ve merkūm Mehmed Çelebi dahi cemî‘ hisse-i irsiyesini tamâmen ahz u kabz edip, min ba‘d birbirimizin yedinde ve zimmetinde bir akçe ve bir habbe hakkı bâkī kalmamakla, mîrâs-ı mezbûra müte‘allika âmme-i da‘vâdan her birimiz âharın zimmetini ibrâ-i âm ile ibrâ ve iskāt eyledik. Ba‘de’l-yevm bir vechile mîrâsa müte‘allika da‘vâ ve nizâ‘ımız ve müstahakkımız kalmamışdır dedikde, gıbbe’t-tasdîki’l-vicâhî mâ vaka‘a bi’t-taleb ve’l-ibtiğā ketb ve imlâ olundu. Fi’l-yevmi’s-sânî min Cumâdelâhire li sene isneteyn ve mi’e ve elf. Şuhûdü’l-hâl: eş-Şeyh Abdullah Efendi b. Abdurrahman, el-Hâc İbrahim [b.] Abd[ullah], Yazıcı Hasan Çelebi b. Ahmed, Halil Çelebi b. İbrahim, Molla Mehmed [b.] Ali, Mustafa b. Hamza.