Bab Mahkemesi 54 Numaralı Sicil (H. 1102 / M. 1691) cilt: 20, sayfa: 162 Hüküm no: 165 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üftâde bt. Abdullah’ın küçük kızı Kerime’ye nafaka ödemesi Mahmiye-i İstanbul’da Sâlih Paşa mahallesinde sâkine bâ‘isetü hâze’l-kitâb Meryem bt. Abdullah nâm hâtun meclis-i şer‘-i şerîf-i enverde, Üftâde bt. Abdullah nâm hâtun mahzarında takrîr-i kelâm ve ta‘bîr ani’l-merâm edip, mezbûre Üftâde Hâtun işbu hâzır bi’l-meclis sadriye kızı Kerîme nâm sagīreyi tebennî ve terbiyesi için bana def‘ ve teslîm, ben dahi ber vech-i muharrer kabz ve tesellüm etmekle sagīre-i mezbûreye nafaka ve kisve-bahâ ve sâir levâzım-ı zarûriyyesi için kadr-i ma‘rûf akçe farz ve takdîr olunmak matlûbumdur dedikde, hâkim-i muvakki‘-i sadr-ı kitâb -tûbâ lehû ve hüsnü me’âb- hazretleri dahi sagīre-i mezbûre Kerîme’ye nafaka ve kisve-bahâ ve sâir levâzım-ı mühimmesi için târih-i kitâbdan beher yevm beşer akçe farz ve takdîr edip, meblağ-ı mefrûz-ı mezbûru sagīre-i mezbûre Kerîme’ye harc u sarfa ve vakt-i zarûretde istidâne ve lede’z-zafer vâlidesi mezbûreye rücû‘a mezbûre Meryem Hâtun’a izin vermeğin, mâ vaka‘a bi’t-taleb ketb olundu. Fî gurreti Cumâdelâhire li sene isneteyn ve mi’e ve elf. Şuhûdü’l-hâl: İbrahim b. Ahmed, İbrahim Çelebi [b.] Ahmed, Ebûbekir [b.] Hüseyin, Nasuh b. Osman.