Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 132 Hüküm no: 109 Orijinal metin no: [29b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmihân Hatun bt. Memişâh Bey’in evini istiğlâl yoluyla Şâhidyedâr? Hatun bt. Ahmed Paşa’ya sattığı Fahrü’l-muhadderât zahrü’l-muvakkirât İsmihân Hâtun bt. Memişâh Bey kıbelinden husûs-i âtiyyü’z-zikri ikrâra vekâleti Mehmed b. İlyas ve Mustafa b. Halil’in şehâdetleri ile sâbit olan Muharrem b. Kemal el-İmâm nâm kimesne meclis-i şer‘-i şerîfde hâzır olup müvekkile-i mezbûresinin âtiyyü’l-beyân menzilini râfi‘a-i hâze’l-kitâb tâcü’n-nisvân Şâhidyedâr? Hâtun bt. Ahmed Paşa’ya bey‘ ettiğini vekâlet-i mahkiyyesi hasebiyle ikrâr ve i‘tirâf etti. Müşteriyye-i mezbûre de istiğlâl maksadıyla, merkūme İsmihân Hâtun’un işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, Dârü’s-saltanat-i seniyye mahmiye-i Kostantıniyye mahallâtından Kızıltaş mahallesinde vâki‘ olan, iki taraftan Sinan Ağa b. Abdullah mülkü, diğer tarafdan Abdi Çelebi ve Mehmed Çelebi ibney Hüseyin Bey mülkü ve diğer taraftan da Ömer Çelebi b. Ramazan mülkü ile mahdûd cemî‘-i menzili cümle tevâbi‘ ve levâhıkı ile râyicü’l-vakt yirmi dört bin akçe semen-i mu‘ayyen-i makbûzla iştirâ etti. Bâyi‘a-i mezbûrenin menzil-i merkūmu icâreye almak istemesi üzerine müşteriyye-i mezkûre ba‘de’t-tahliye ve’t-tekābuz zeyl-i kitâbda mezkûr târihden i‘tibâren bir sene tamâmına iki bin iki yüz akçe ücret-i kirâ ile icâreye verdi. Vâki‘ ikrâr, müşteriyye-i merkūme kıbelinden tasdîke vekâleti Muharrem b. Kemal ve Mehmed b. İlyas’ın şehâdetleri ile sâbit olan el-Hâc Ahmed (…) tarafından vicâhen ve şifâhen tasdîk edildi. Sonra el-Hâc Derviş b. el-Hâc Mehmed, menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fî evâili Ramazan sene 1002. Şuhûdü’l-hâl: Eynehan b. Abdullah, Yakub b. Abdullah, Sadık b. Mustafa el-İmâm, Mustafa b. Abdi (…), (…) b. Hüseyin