Bab Mahkemesi 54 Numaralı Sicil (H. 1102 / M. 1691) cilt: 20, sayfa: 166 Hüküm no: 170 Orijinal metin no: [27b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Havva bt. Abdülmennân’ın Seyyid İbrahim Receb’den muhâlaa yoluyla boşanması Dârü’l-hilâfeti’l-aliyye Kostantıniyye el-mahmiye mahallâtından Beyceğiz mahallesi sâkinelerinden olan Havva bt. Abdülmennân nâm hâtun ba‘de’t-ta‘rîfi’ş-şer‘î meclis-i şer‘-i şerîf-i enverde, zevc-i dâhili işbu râfi‘ü’l-kitâb es-Seyyid İbrahim Receb nâm kimesne mahzarında ikrâr ve takrîr-i kelâm edip, zevcim mezbûr es-Seyyid İbrahim zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr es-Seyyid İbrahim ile muhâla‘a-i sahîha-i şer‘iyye ile muhâla‘a olup, ol dahi hul‘-ı mezbûru ba‘de’l-kabûl, hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı râfi‘ü’l-hisâm ile ibrâ ve iskāt eyledik dediklerinde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis min Cumâdelâhire li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Abdullah Efendi ( ) kâtib, Nuh Efendi kâtib, es-Seyyid Mehmed Çelebi, Ahmed b. Ahmed.