Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 171 Hüküm no: 169 Orijinal metin no: [40a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nuh Mehmed Bey b. Ahmed Paşa’nın Şaban Bey b. Mehmed’e olan borcu Mahmiye-i İstanbul mahallâtından Hüsrevoğlu mahallesinde sâkin fahrü’l-akrân Nuh Mehmed Bey [b.] el-merhûm Ahmed Paşa el-müteferrika meclis-i şer‘-i şerîfe hâzır olup vilâyet-i Karaman’da Larende nâm kasaba ahâlîsinden Şaban Bey b. Mehmed el-cündî mahzarında tav‘an ikrâr ve i‘tirâf edip bundan akdem mezbûr Şaban Bey’in benim zimmetimde on beş bin akçesi karzdan ve otuz dokuz bin beş yüz akçesi emti‘a-i mütenevvi‘a-i ma‘lûme bahâsından cem‘an elli dört bin beş yüz akçe hakkı olup lâkin ba‘dehû meblağ-ı mezbûrun on dokuz bin beş yüz akçesin geri mezbûr Şaban Bey’e edâ edip hâlâ zimmetimde otuz beş bin akçe bâkī kalmışdır. Bâkī-i mesfûr mezkûr Şaban Bey’e hâlâ lâzımü’l-edâ deynimdir dedikde mukırr-ı mezbûrun vech-i meşrûh üzre olan ikrâr ve i‘tirâfın merkūm Şaban Bey vicâhen tasdîk ve şifâhen tahkīk edip mâ vaka‘a bi’t-taleb ketb olundu. Tahrîren fî 3 min Zilka‘de sene 1002. Şuhûdü’l-hâl: Hanefi Çavuş el-mübâşir, Abdülkerim b. Yahya, Hasan Çelebi b. Murad, Abdülganî b. Nezir.