Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 178 Hüküm no: 180 Orijinal metin no: [41b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Hamza’nın bârgir satışından Hamza Bey’de olan alacağı Vilâyet-i Rumeli’de Ergirikasrı’ndan Ali b. Hamza nâm şâbb-ı bâliğ meclis-i şer‘-i şerîfe hâzır olup mahmiye-i Kostantıniyye’de Ali Paşa Câmi‘-i Şerîfi kurbunda sâkin Hamza Bey nâm kimesne mahzarında takrîr-i kelâm edip bundan akdem mezbûr Hamza Bey kasaba-i mezbûreye gelip benden bin sekiz yüz akçeye bir doru dimekle ma‘rûf levn ile mülevven bârgiri iştirâ edip kabz etdikden sonra semen-i merkūmu bana dört aydan sonra mahmiye-i mezkûrede vermeğe ecel-i mu‘ayyen ile te’cîl etmişidi. Hâlâ hulûl etmekle taleb ederin dedikde gıbbe’l-istintâk mezbûr Hamza Bey ikrârla cevâb vermeğin edâsına tenbîh olunup mâ vaka‘a kayd olundu. Tahrîren fî evâili Zilka‘de sene isneteyn ve elf. Şuhûdü’l-hâl: Ali b. Abdullah, Mustafa b. Abdullah, Abdülganî b. Musa, Ahmed b. Mahmud.