Bab Mahkemesi 54 Numaralı Sicil (H. 1102 / M. 1691) cilt: 20, sayfa: 168 Hüküm no: 174 Orijinal metin no: [28a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Asvador v. Sahak’ın Ekmekçi Tatos v. Uskoni’ye borcu olduğu Ekmekçi tâifesinden işbu bâ‘isü’s-sifr Tatos v. Uskoni nâm zimmî meclis-i şer‘-i şerîf-i enverde, Asvador v. Sahak nâm zimmî mahzarında üzerine da‘vâ ve takrîr-i kelâm edip, merkūm Asvador zimmetinde beynimizde ma‘lûm ekmek bahâsından dokuz yüz otuz akçe hakkım olmağla, suâl olunup alıverilmesi matlûbumdur dedikde, gıbbe’s-suâl merkūm Asvador cevâbında, fi’l-hakīka kaziyye minvâl-i meşrûh üzre olup zikr olunan ekmek bahâsından dokuz yüz otuz akçe zimmetimde vâcibü’l-edâ deynimdir deyu ikrâr ve i‘tirâf etmeğin, mûcebince meblağ-ı mezbûr dokuz yüz otuz akçeyi müdde‘î-i mezbûra edâ ve teslîme mezbûr Asvador’a tenbîh olunmağın, mâ vaka‘a bi’t-taleb ketb olundu. Fi’l-yevmi’s-sâbi‘ min Cumâdelâhire li sene isneteyn ve mi’e ve elf. Şuhûdü’l-hâl: Mehmed Efendi b. Mehmed, İbrahim Çelebi b. Ahmed, Derviş b. ( ), Ali b. Bâli ve gayruhüm.