Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 204 Hüküm no: 215 Orijinal metin no: [49b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Ebi’l-Bakadise’nin Hamza Bey b. Abdullah’taki köle satışı bedelinden olan alacağını tahsil etmesi Mahmiye-i Kostantıniyye mahallâtından Kenîse Câmi‘ kurbunda Fenârî mahallesinde sâkine Hatice bt. Ebi’l-Bakādise nâm hâtun meclis-i şer‘-i şerîfe hâzıra olup işbu râfi‘ü’l-kitâb fahrü’l-akrân Hamza Bey b. Abdullah nâm korucu mahzarında tav‘an ikrâr ve i‘tirâf edip bundan akdem mezkûr Hamza Bey zimmetinde Abazaviyyetü’l-asl Kâmile bt. Abdullah nâm câriye bahâsından on dört bin akçe hakkım olup hâlâ meblağ-ı merkūmu mesfûr Hamza Bey yedinden bi’t-tamâm alıp kabz edip meblağ-ı mezbûrdan mezkûr Hamza Bey uhdesinde bir akçe ve bir habbe hakkım bâkī kalmadı dedikde mukırre-i mezkûrenin ikrâr-ı meşrûhunu mesfûr Hamza Bey vicâhen tasdîk ve şifâhen tahkīk edip mâ vaka‘a kayd olundu. Tahrîren fî 3 min Zilhicce sene 1002. Şuhûdü’l-hâl: Mustafa b. Abdullah el-imâm, Abdurrahman b. İdris el-mü’ezzin, Mustafa b. İsa, Hasan b. Abdullah, Hüseyin b. Hasan el-imâm, Hasan b. Abdullah, İlyas b. Abdullah, Mustafa b. Abdullah, Cafer Çelebi b. Pîrî el-mütevellî, İskender b. Abdullah ve gayruhüm.