Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 260 Hüküm no: 272 Orijinal metin no: [67b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hatun bt. Abdullah’ın hayır ve hasenât için vasiyette bulunduğu Udûlden Mevlâna Mustafa Efendi b. Hasan el-müderris, Mehmed b. İbrahim el-mu‘arrif ve Mehmed b. Mahmud el-müezzin nâm kimesneler Dîvân-ı âlî’de -dâme fî himâyeti’llâhi’l-müte‘âlî- emâcid-i mükerremîn-i mufahhamîn defterdârlar huzûrunda, elân mahrûse-i Galata’da vâki‘ Beytülmâl-i hâssın emîni olup mahrûse-i mezkûre tevâbi‘inden Beşiktaş’da bundan akdem vefât eden Peri Sima diye ma‘rûfe merhûme Ayşe Hâtun bt. Abdullah’ın muhallefâtına vâzı‘-ı yed olan kıdvetü’l-akrân Mehmed Çavuş mahzarında, âtiyyü’z-zikr vasiyyetin tenfîzine vasiyy-i muhtâr olan râfi‘-i hâze’l-kitâb fahrü’l-kuzât Mevlâna Mehmed b. Mahmud’dan sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müteveffât-ı merkūme Ayşe Hâtun, vasiyyet ehliyetine sâhib olarak, ölüm şerbetini tadıp rabbine kavuştuğunda sülüs-i mâlının ayrılıp bundan yüz altın dinarın techîz ve tekfînine ve eyyâm-ı mu‘tâdede fukarâya yemek verilmesine sarf edilmesini vasiyyet etti. Bâkiye meblağın bir kısmının vasiyy-i mezkûrun re’yi ile, sâbık kocası merhûm Keyvan Kethüdâ’nın kazâ-i İznikmid’de inşâ ettirdiği câmi‘e eczâ-i şerîfe vaz‘ına sarf edilmesini vasiyyet etti. Meblağın diğer kısmının yine vasiyy-i mezkûrun re’yi ile, sâir vücûh-i hayrât ve sunûf-i meberrâta sarf edilmesini vasiyyet etti; müdde‘î-i mezbûru da vasiyyetinin tenfîzine vasiyy-i muhtâr kıldı. Mezbûr vasî de vesâyet-i merkūmeyi kabûl edip hizmet-i lâzimesini edâyı ta‘ahhüd etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mûteber oldu. Cerâ zâlike ve hurrire fi’l-yevmi’s-sâmin ve’l-ışrîn min Muharremi’l-harâm sene selâse ve elf. Şuhûdü’l-hâl: Mevlâna Ahmed Efendi b. Mahmud, Mevlâna Mehmed b. el-Hâc Mehmed, Hüsrev Çavuş [b.] Abdülmennân, Muhzırbaşı Hasan Ağa, Hasan [b.] Abdullah, Ahmed [b.] Hüseyin, Süleyman [b.] Abdullah, Murad b. Abdullah ve gayruhüm