Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 288 Hüküm no: 308 Orijinal metin no: [75a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İhsan bt. Kurd’un değirmeninin bütün işlerine Behrâm b. Yusuf’u vekil tayin etmesi Kasaba-i Ergene Köprüsü sâkinelerinden İhsan bt. Kurd nâm hâtun meclis-i şer‘-i şerîfe hâzır olup yine kasaba-i mezbûre ahâlîsinden işbu râfi‘ü’l-kitâb Behrâm b. Yusuf nâm kimesne mahzarında takrîr-i kelâm edip babamdan irsle intikāl etmiş mülküm olup Ergene nehri üzerinde dâir ta‘rîfden müstağnî olan iki göz değirmenimin bana âid olan mahsûlünü kabza ve bana îsâle ve husûs-ı mezbûra müte‘allik cümle umûra merkūm Behrâm’ı kendi kıbelimden vekîl nasb ve ta‘yîn eyledim dedikde, mezbûr Behrâm dahi bi’l-muvâcehe vekâlet-i merkūmeyi kabûl ve mûcebini mültezim oldum deyüp vâki‘-i hâl bi’t-taleb ketb olundu. Tahîren fî evâsıtı Rebî‘ilevvel sene selâse ve elf. Şuhûdü’l-hâl: Abdülkerim b. Ahmed, Murad b. Ali, Ahmed b. İdris, Hasan b. Abdullah.