Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 289 Hüküm no: 310 Orijinal metin no: [75a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Elvanzâde’nin ulema için vakfettiği menzilde müderris İbrahim b. Mehmed’in oturması Tevcîh-i menzil-i vakf. Mahmiye-i İstanbul mahallâtından Elvan Çelebi mahallesinde merhûm Elvanzâde vakf edip süknâsın ulemâ ve sulehâya şart eylediği lede’l-âhâlî ma‘lûmetü’l-hudûd olan menzilde sâkin olan Ayasofya-i kebîr hatîbi Mevlânâ Süleyman vefât etmekle menzil-i mezkûr mahlûl olup işbu râfi‘ü’l-kitâb-ı sıhhat-nisâb mefharü’l-müderrisîn Mevlânâ İbrahim b. Mehmed ehl-i ilm ve sâlih olmağla müstehık olmağın, menzil-i mesfûrun süknâsı mezbûr İbrahim’e tevcîh olundukda, bu sahîfe ketb ü tahrîr olunup yedine vaz‘ ve def‘ olundu ki, min ba‘d mevlânâ-yı mezbûr menzil-i mezkûrda sâkin olup vâkıfın rûhu için du‘âya meşgūl ola. Tahrîren fî 14 min Rebî‘ilevvel sene selâse ve elf. Şuhûdü’l-hâl: Mehmed b. Abdullah, Veli b. Gülâbî, Mevlânâ Mehmed b. el-Hâc Mehmed, Hasan b. Abdullah, Behrâm b. Abdullah, Abdülganî b. Nezir.