Rumeli Sadâreti Mahkemesi 40 Numaralı Sicil (H. 1033-1034 / M. 1623-1624) cilt: 46, sayfa: 154 Hüküm no: 134 Orijinal metin no: [25a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe b. İbrahim Çelebi’nin kocası Hâfız Mehmed Bey ile anlaşarak boşandığı (muhâla‘a) Mahrûse-i Bursa kal‘ası mahallâtından Hâce Turgud mahallesi imâmı fahrü’l-eimme İbrahim Çelebi b. Mustafa meclis-i şer‘-i şerîfe gelip akde aklı yetmeyen Âişe nâm sulbî sagīre kızının Dârü’s-saltanati’s-seniyye mahmiye-i Kostantıniyye mahallâtından Sinan Ağa mahallesinde sâkin olan bâ‘is-i hâze’l-kitâb Hâfız Mehmed Bey b. Mustafa el-cündi nâm zevci ile zevc-i mezkûrdan hul‘a bedelen bin beş yüz akçe ahz ettikden sonra muhâla‘a etti. Zevc-i mesbûr dahi nikâhında ma‘kūdün-aleyh râyicü’l-vakt üç bin akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Âişe bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra aralarında cârî hukūk-ı zevciyyete müte‘allik cemî‘ da‘vâdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’l-hâdî ve’l-ışrîn min-şehri Şa‘bâni’l-mu‘azzam li-sene selâse ve selâsîn ve elf. Şühûdü’l-hâl: Umdetü’l-müderrisîn mevlânâ Ahmed Efendi b. Mehmed eş-şehîr bi-Hatîbzâde, fahrü’l-müderrisîn mevlânâ Ali Efendi b. Mustafa, zahrü’l-müderrisîn mevlânâ Abdülaziz Çelebi b. el-Hâc Muharrem, fahrü’l-müderrisîn mevlânâ Mehmed Efendi eş-şehîr bi-Kepekcizâde?, mevlânâ Ahmed Efendi b. el-Hâc Pîrî, Nuh Çelebi b. Arslan, Mehmed b. Mustafa, fahrü’l-müderrisîn mevlânâ Osman Efendi b. el-Hâc Mustafa ve gayrühüm