Rumeli Sadâreti Mahkemesi 40 Numaralı Sicil (H. 1033-1034 / M. 1623-1624) cilt: 46, sayfa: 179 Hüküm no: 166 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Yani’nin Panayot v. Tonamano’ya olan borcunu ödemeyi kabûl ettiği Vilâyet-i Rumeli’nde Mora sancağında Kratova kazâsına tâbi‘ Valteşinik nâm karyeden bâ‘isü’l-kitâb Panayot v. Yani nâm zimmî mahfil-i şer‘-i hatîrde karye-i merkūmeden Panayot v. Tonamano nâm zimmî mahzarında ikrâr ve takrîr-i kelâm edip bundan akdem mezkûr Panayot’a babasından intikāl eden karye-i merkūmede vâkı‘ ma‘lûmü’l-hudûd bağ ile mezâri‘ini mezkûr Panayot’dan yılda üçer yüz akçeye istîcâr edip sekiz yıldır ki taht-ı icâr ve tasarrufumda olup beher sene uhdesine lâzım gelen üçer yüz akçenin mezbûrun emri ile yüz yirmişer akçesini cizyesine ve sekiz akçesini ispençesine verip yüzer akçesi kalıp hesâb-ı mezbûr üzere sekiz yılda ücret-i mezbûreden zimmetimde beş yüz akçe hakkı kalmışdır dedikde gıbbe’t-tasdîk mâ vaka‘a gıbbe’t-taleb ketb olundu. Hurrire fî-evâʼili şehri Ramazâni’l-mübârek li-sene selâse ve selâsîn ve elf. Şuhûdü’l-hâl: Osman Çavuş b. Ali el-mübâşir, Hacı Mahmud b. İsa, Ahmed Efendi b. Ahmed, Mehmed b. Mustafa, Hasan b. Mustafa ve gayruhüm.