Rumeli Sadâreti Mahkemesi 40 Numaralı Sicil (H. 1033-1034 / M. 1623-1624) cilt: 46, sayfa: 180 Hüküm no: 167 Orijinal metin no: [31b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Tona’nın Panayot v. Yani’deki alacaklarını tahsîl ettiği Vilâyet-i Rumeli’nde Mora sancağında Kratova kazâsına tâbi‘ Valteşinik nâm karyeden bâ‘isü’l-kitâb Panayot v. Tona nâm zimmî mahfil-i şer‘-i hatîrde işbu bâ‘isü’l-kitâb Panayot v. Yani nâm zimmî mahzarında ikrâr ve takrîr-i kelâm edip bundan akdem babamdan intikāl eden karye-i merkūmede vâkı‘ ma‘lûmü’l-hudûd bağ ile mezâri‘imi mezkûr Panayot’a yılda üçer yüz akçeye istîcâr edip sekiz yıldır ki taht-ı icâr ve tasarrufunda olup beher sene uhdesine lâzım gelen üçer yüz akçenin yüz yirmişer akçesini benim emrim ile cizyeme ve sekiz akçesini ispençeme verip yüzer akçesi kalıp hesâb-ı mezbûr üzere sekiz yılda ücret-i mezbûreden zimmetinde sekiz yüz akçe hakkım kalmış idi meblâğ-ı mezbûr sekiz yüz akçeyi bi’t-tamâm ve’l-kemâl alıp kabz eyledim ba‘de’l-yevm cizyeden ve bağ mahsülünden mezbûrun zimmetinde bir akçe ve bir habbem yokdur dedikde gıbbe’t-tasdîk mâ vaka‘a ketb olundu. Şuhûdü’l-hâl: İ‘lâmen.