Rumeli Sadâreti Mahkemesi 40 Numaralı Sicil (H. 1033-1034 / M. 1623-1624) cilt: 46, sayfa: 182 Hüküm no: 170 Orijinal metin no: [32b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice Hatun bt. Abdullah Efendi nakid vakfının istibdâl ile akar vakfına tahvîli Mâ-fî hâze’s-sifr min-tebdîli’n-nakdi bi’l-akār vadaha ve sahha alâ-vechin yertedîhu’l-ahyâr ve kazaytü bi-mâ fi’l-vakfi mine’s-sıhhati ve’l-lüzûmi vâkıfen alâ-mevâkıfi’l-hılâfi’l-cârî beyne’l-eimmeti’l-eşrâf harrerehü’l-fakīr Mehmed b. Abdülganî âmelehüma’llâhü sübhânehû bi-fazlihi’s-seniyyi el-Kādî bi-askeri Rumeli el-ma‘mûre. Elhamdülillâhi’l-meliki’l-müte‘âl zi’l-azameti ve’l-hilâl ellezî lâ yutesavver fî-zâtihî et-tahavvül ve’l-intikāl ve lâ yecrî fî-mülkihî et-tebdîl ve’l-istibdâl ve’s-salâtü ve’s-selâmü alâ-nebiyyihi en-nebbiyyihi’n-nebîl el-masûn dînuhû ani’t-tebdîl ve’t-tağyîr ve’t-tahvîl ve alâ-âlihî ve sahbihi’n-nücebâ ellezîne istebdelû bi’d-dünyâ el-fâniye dâre’l-hulûd ve’l-bekā mâ-tebeddelet el-leyâlî bi’l-eyyâm ve tegayyerat en-nuhûr ve’l-a‘vâm Ve ba‘d, işbu mazmûnunda vakıf ikrârından bahseden sahîh ve şer‘î bir hüccet ve sarîh ve mer‘î bir sakdır. Dârü’s-saltanati’s-seniyye mahmiye-i Kostantıniyye mahallâtından ( ) mahallesinde sâkine kıdvetü’l-muhadderât umdetü’l-muvakkarât müşeyyidetü mebâniyi’l-hayrât mürettibetü merâtibi’l-meberrât sâniyetü er-Râbi‘atü’l-adeviyye fî-edâi vezâifi’l-ibâdâti’l-mâliyye ve’l-bedeniyye Fâtımetü’z-zehrâ Âişetü’l-evân Hadice Hatun bt. merhûm Abdullah Efendi eş-şehîr bi-Sehâüddîn-zâde kıbelinden husûs-ı câi’l-beyân ale’t-tefsîre vekâleti kıdvetü’l-kuzât Ali Efendi b. Mehmed ve umdetü’l-a‘yân Ken‘ân Ağa b. Abdüssamed’in şehâdetiyle sâbit olan fahrü’l-kuzât zahrü’l-vülât Mehmed Çelebi b. Mehmed meclis-i şer‘-i şerîf-i hatîre -sânehu’llâhü ta‘âlâ ani’t-tebdîl ve’t-tağyîr- hâzır olup şöyle ikrâr ve i‘tirâf eyledi ki, müvekkile-i mûmâ ileyhâsı mâlından ifrâz ve sâir menâlinden temyîz ettiği râyicü’l-vakt iki yüz bin akçesini niyet-i sâfiye ve taviyyet-i vâfiye ile hasbeten lillâhi ta‘âlâ ve taleben li-rızâhi vakf, habs, te’bîd ve tasadduk etmişti. Gallesini de evvelâ müddet-i hayâtınca nefs-i nefîsesine, ba‘de vefâtihâ vücûh-i hayrât ve cihât-ı meberrâta sarf edilmesini şart etmişti. Vakfiyede tebdîl, tağyîr ve taklîl, teksîri kendisine şart eylemiş ve meblağ-ı mezbûru tescîl maksadıyla mütevellî nasbettiği kimseye teslîm etmişti. Hâkim de huzûrundaki murâfa‘a ve muhâsamadan sonra vakfı tescîl etmişti. Sonra mürûr-i eyyâm ve leyâlî ile vakfın zayıfladığını görüp, nukūdu, rağbet ve i‘tibâr gören bir mevzi‘deki akārla istibdâlin vakıf için enfâ olduğuna kanaat getirip hâkimden istibdâl izni istedi. Hâkim-i şer‘ de izin verdi. Müvekkile-i mezbûre sonra meblağ-ı mevkūf-i mezbûr ile Hayri Hatun bt. Süleyman’dan Dârü’s-saltanat-ı mezbûre mahallâtından Hâce Hayreddin mahallesinde vâki‘, tarafeynden Rukiye Hatun mülkü ve tarîk-ı âm, tarafeynden de bâyi‘a-i mezbûre mülkü ile mahdûd bulunan dükkânı elli iki bin akçe semen-i mu‘ayyen-i makbûz ile vakfına ilhâk maksadıyla iştirâ etti. Meblağ-ı mezbûrdan geriye yüz kırk sekiz bin akçe kaldı. Sonra indindeki elli bin akçelik galleyi de ona kattı. Meblağ-ı mevkūf-ı mezbûr bu sûretle elân bi’t-tamâm cem‘an yüz doksan sekiz bin akçe oldu. Vâki‘ talep üzere hâkim-i mûmâ ileyh işbu vesîka-i münîfe-i bi-raşehât-ı aklâm-ı enîkayı verdi. Vâkıfe-i mezbûre sonra hâzır bi’l-meclis Mehmed Halîfe b. Yusuf’dan, Dârü’s-saltanati’l-mahmiyede vâki‘, hudûdu bir tarafından merhûm Siyavuş Paşa Vakfı’na, bir tarafından merhûm Ebussu‘ûd Efendi’ye âid odalara, bir tarafından da tarîk-ı âmma müntehî bulunan, beyne’n-nâs Çukurhamamı diye ma‘rûf hamam kurbündeki otuz altı fevkānî ve tahtânî odanın cemî‘ini cümle tevâbi‘i ve levâhıkı ve kâffe-i tarâıkı ve merâfıkıyla râyicü’l-vakt yüz doksan sekiz bin akçe semen-i mu‘ayyen-i makbûz ile iştirâ eyledi. Vâki‘ ikrâr men-lehü’t-tasdîk tarafından bi’l-müvâcehe tasdîk edildi. Hâkim-i müşârun-ileyh, tebdîl-i mezkûrun sıhhatine ve vakfın hayrı ve menfa‘atine olduğuna hükmetti. Bu sûretle cemî‘ odalar ve dükkân-ı merkūm, bedelen li-meblağı mevkūfi’l-mezkûr, vakıf oldu. Cerâ zâlike ve hurrire fî-evâsıtı şehri Recebi’l-ferd li-sene selâse ve selâsîn ve elf. Şühûdü’l-hâl: Fahrü’l-kuzâti’l-islâm Ali Efendi b. ( ), zahrü’l-vülât Zülfikār Efendi b. ( ), İsa Halîfe b. el-müezzin, Üstâd Ali b. Abdullah, Ali b. Ebûbekir, Hızır b. Ali ve gayrühüm