Bab Mahkemesi 54 Numaralı Sicil (H. 1102 / M. 1691) cilt: 20, sayfa: 195 Hüküm no: 214 Orijinal metin no: [34b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Mehmed’in eski kocasından olan kızı Ayşe’nin geçimini kendi üzerine alması Mahmiye-i İstanbul’da Şehremini kurbunda Mustafa Ağa mahallesi sâkinelerinden Emetullah Hâtun bt. Mehmed ba‘de ta‘rîfi’ş-şer‘î meclis-i şer‘-i şerîf-i enverde takrîr-i kelâm ve ta‘bîr ani’l-merâm edip, zevc-i mutallıkım işbu Cafer b. Receb’in firâşından hâsıla ve benden mütevellide işbu sagīre Ayşe’yi babası mezbûr beslemek üzre bana teslîm edip, ben dahi kezâlik mezbûrun firâşından hâsıla ve benden mütevellide ve hâlâ hacr ve terbiyemde olan işbu sagīre kızım Sabiha’yı târih-i kitâbdan iki bin yüz altmış gün tamâmına değin kendi mâlım ile infâk ve iktisâ eylemek üzre ta‘ahhüd eyledim dedikde, mâ hüve’l-vâki‘ bi’t-taleb ve’l-ibtiğā ketb ve imlâ olundu. Fi’l-yevmi’s-sâmin min Recebi’l-ferd sene 1102. Şuhûdü’l-hâl: Ahmed Çelebi b. Şaban, Berber Ali Çelebi ( ), İbrahim Çelebi b. Ahmed, İbrahim b. Ahmed, Mehmed b. Hasan, Ahmed b. Ahmed.